ដំណោះស្រាយសម្រាប់ការលួចលុបទិន្នន័យចេញពី Server ដោយប្រើប្រាស់ Virtual File System

ជាធម្មតាទេការងារនៅក្នុងក្រុមមិនមែនសុទ្ធតែរលូនទាំងអស់គ្នានិងមានមតិស្របគ្នាព្រមតាមគ្នារហូតនោះទេ ពេលខ្លះក៏មានបញ្ហាមួយចំនួនកើតឡើងជាយថាហេតុនៅក្នុងក្រុមហ៊ុនមួយឬអង្គភាពមួយ។ អ្នកជំនាញ IT គ្រប់គ្នាច្បាស់ជាដឹងហើយថានៅក្រុមហ៊ុនមួយយតែងតែមានការ Share ឯកសារនៅក្នុងក្រុម ដោយក្រុមហ៊ុនខ្លះប្រើប្រាស់ open source ដូចជា Linux ធ្វើជា File Server ជាដើមដើម្បីចែករំលែកឯកសារអោយគ្នាប្រើប្រាស់ដោយមិនចាំបាច់បង់ថ្លៃ License។

ចំពោះអ្នកប្រើប្រាស់ Microsoft Windows Server មិនចាំបាច់បារម្មណ៏អ្វីច្រើននោះទេ ព្រោះ Windows Server មាន Option Shadow Copy ដែលអាចអោយអ្នកជំនាញ IT អាចត្រលប់ពេលវេលាមកក្រោយនិងស្រោចស្រង់ឯកសារដែលបានលុបចោលមកវិញបានទៅតាម ជំនាន់ Verison របស់ឯកសារនោះ។ក៏ប៉ុន្តែការបើក Shadow Copy នេះវាធ្វើអោយខាតនៅផ្ទៃ Hard Disk ផងដែរ ក៏ប៉ុន្តែវាមិនមានបញ្ហាអ្វីទេប្រសិនបើយើងមាន HDD ទំហំធំ។រូបភាពខាងក្រោមនេះជា ការបើក Shadow Copy នៅក្នុង Windows Server 2008

shadow-copy

វាងាយស្រួលទេដោយគ្រាន់តែចុច mouse ស្តាំលើ HDD Drive ណាមួយបន្ទាប់មកយកពាក្យថា Property រួចហើយចុចលើពាក្យ Shadow Copies និងចុងក្រោយចុចលើពាក្យ  Enable លើ HDD ណាដែលចង់ធ្វើវាជា

Shadow Copies និងបញ្ចប់ដោយចុច Apply -> OK.

ចំពោះ Windows វាងាយស្រួលទេចុះប្រសិនបើអ្នកប្រើប្រាស់លីនុចដែលជា Open Source និងប្រើប្រាស់ Samba Server ធ្វើជា File Service សម្រាប់ Share ទិន្នន័យទៅអោយ អ្នកប្រើប្រាស់ដែលជា Windows ដូចជា

Windows 7, Windows Xp, Mac-OS ជាដើម។

ដំណោះស្រាយនៅតែមាន សម្មតថាអ្នកមានតម្លើង File Service រួចជាស្រេចហើយនៅក្នុង លីនុចរបស់អ្នក ដោយគ្រាន់តែក្រលេកមើលចំនុចបន្ថែមផ្សេងៗដូចខាងក្រោមនេះ

directory

សន្មត់ថា /recycle ជា Directory សំរាប់ដាក់អ្វីដែលគេលុបចោល អោយវារត់មកចូលនៅក្នុងនេះទាំងអស់ បើទោះបីជាគេប្រើ Shift + Delete ក៏ដោយ

សន្មត់ថា /data ជា Directory សម្រាប់ Share ទៅកាន់អ្នកណាម្នាក់ប្រើប្រាស់ឬក្រុមជាដើម បើពេលនណាម្នាក់លុបក៏យើងអាចដឹងបានដែរ។សូមមើលរូបខាងក្រោមតើត្រូវថែមអ្វីខ្លះនៅពេលលោកអ្នកចង់ Enable Virtual File System ទៅក្នុង Samba Server. ដោយគ្រាន់តែលោកអ្នកចូលទៅកែ File /etc/samba/smb.conf

share-vfs

បន្ទាប់ពីកែរួចហើយ Save រួច សូម Restart Service samba.

ចំពោះ Centos 6.x ប្រើប្រាស់ Command#  service smb restart; service nmb restart

ចំពោះ centos 7.x ប្រើប្រាស់ command# systemctl restart smb; systemctl restart nmb ។ ពីព្រោះថា Linux មានការកែប្រែ command ខ្លះនៅ Version ថ្មីនេះ តែមិនជាបញ្ហាទេ

រូបខាងក្រោមនេះខ្ញុំបាន Copy ឯកសារមួយចំនួនចូលទៅក្នុង Server ហើយខ្ញុំក៏បានលុបចោលវិញដែរ ចាំមើលទៅមើលទាំងអស់គ្នានៅក្នុង លីនុចតើមានចូលទៅក្នុង Directory Recycle ដែឬទេ?

copydata

សូមក្រលេកមើលរូបខាងក្រោមមួយទៀតនៅពេលដែលចូលទៅមើលក្នុង លីនុច Server តើមានឯកសារដែលបានលុបដែរឬទេ?

ប្រសិនបើចង់មើលអោយបានច្បាស់សូមសាកល្បងដោយខ្លួនឯងផ្ទាល់ពេលអ្នក Share ហើយ Copy ចូលហើយ លុប ដោយចុច Shift + Delete ក៏មិនបាត់ដែរ។

deleted

ប្រសិនបើចង់អោយវាចេញកាន់តែច្បាស់ទៀតថាអ្នកណាជាអ្នកលុប? លោកអ្នកអាចថែម Configuration នៅក្នុង /etc/samba/smb.conf បានដោយគ្រាន់ថែម

recycle:repository =/recycle/%U  ពេលនោះវានិងបង្កើត Directory មួយដោយដាក់ឈ្មោះរបស់អ្នកលុប រួចហើយរាល់ទិន្នន័យដែលបុគ្គលនោះលុបនិងចូលទៅក្នុង Directory ឈ្មោះគាត់ដូចនេះយើងអាចចាប់កំហុសគាត់មិនខុសទេ  គាត់មិនមានអ្វីប្រកែកទៀតនោះទេ។

ពេលនេះលោកអ្នកអាចសាកល្បង Copy ចូលរួចហើយលុបចោលវិញទៅមើលតើវាមែនដូចអ្វីដែលបានរៀបរាប់ខាងលើឬទេ? សូមមើលរូបខាងក្រោមនេះ

true

សូមសាកល្បងដោយផ្ទាល់